TA’LIM MUASSASALARIDA O‘QUVCHILAR BILIMINI BAHOLASH UCHUN TEST VARIANTLARINI TAYYORLASHDA EXCEL DASTURIDAN FOYDALANISH

Ushbu maqolada ta’lim muassasalarida o‘quvchilar bilimini baholash uchun test variantlarini tayyorlash, o‘quvchilar o‘zlashtirish darajalarini aniqlashda test sinovidan foydalanish ahamiyati haqida gapirib o‘tilgan. Odatda o‘quvchilar bilimini baholashda turli nazorat turlaridan foydalanish mumkin. Jumladan testlar yordamida baholash uslubi keng tarqalgan. Bunda o‘qituvchi tomonidan o‘tilgan mavzular yuzasidan yopiq va ochiq savolli test savolari tuziladi hamda ushbu savollar yordamida o‘quvchilar bilimini baholanadi. Endi o‘quvchilar bilimini holisona baholash uchun test savollari variantini ko‘proq tayyorlashga to‘g‘ri keladi. Aks holda test savol variantlari oz bo‘lgan holatda o‘quvchilar tomonidan bir-birlaridan ko‘chirish holatlari uchrab turadi. Buning natijasida o‘quvchilar bilim darajalarini haqqoniy baholash imkoni bo‘lmay qoladi. Ushbu muammoni ijobiy hal qilish uchun o‘qituvchi tomonidan test savollari sonini ko‘proq tayyorlash kerak va ushbu tuzilgan savollar asosida har bir o‘quvchi uchun alohida test varianti ishlab chiqish kerak. Ushbu maqolada ko‘p variantli test tayyorlash uchun Microsoft Excel dasturi imkoniyati o‘rganib chiqilgan.